我的控制台 會員登入 免費註冊 最後更新 搜尋 返回首頁 登出
| 台灣旅遊討論區 | 加入台灣Talker Facebook 粉絲 | 交換連結 | 刊登廣告 |
台灣旅遊討論區
關於台灣Talker
旅遊輔助資訊
遊玩
飲食
購物
住宿
交通
遊記
另類台灣資訊
版權申告




首頁 / 遊記 / 南台灣之旅(四)

南台灣之旅(四)



編輯人員: Tracy
文章來源:
點選統計: 7268


加入收藏  Email 給朋友  列印此文章

  


南台灣之旅(四)

第三天旅程回顧


客運篇
吃過早餐後,8:15就打的去火車站轉乘往墾丁既客運,又遇上一個「兜」路既司機,仲唔找錢添,收左我地NT$120,昨天跳錶才NT$85呢!

荷園篇
只需2小時,我地就到咗墾丁既天鵝湖站,先去荷園放低行李,由於大雨既關係,我地響荷園既接待處滯留左1個小時;出到去又落雨,響附近等街車;上左街車,先買張二日券先,盛惠NT$250,無限次任搭。

 

 

 

海生館前傳
之後去左海生館,發現原來HSBC信用卡持咭人免費,即係有買一送一既優惠,我沒有帶吔!予琪果張又唔得,所以就改天再去囉!走之前買左份雞塊同埋可樂飲,係熊仔可樂膠樽黎架,好得意,NT$100包飲料,買黎玩下先!(可惜後來發現漏水的,滴到成手都係,真狼狽!)

街車篇 I
十二點半左右,又上左街車,出面好大雨呀,司機問我地去邊我都唔知點答,冇所謂啦,我地有二日票嘛!我地兜左一個大圈,經過左墾丁大街、船帆石、砂島、鵝鸞鼻、風吹沙、港口吊橋、佳樂水等,到了恆春轉運站下車(其實係因為到了總站),逛了一會兜,在春城書店訂了些貼紙,買了些印仔,就返荷園先啦!


 

又荷園篇
兩點半返到荷園check-in,休息一會,就響呢個時候,天空放晴呀,出現難得既好天氣,於是趁機又影下相先;但係響我地再次出發既時候…又落雨啦!真係激死左。。。

南灣篇
四點半,冒雨到南灣,先吃點東西等雨停,食左7-11既叮叮香酥雞排同埋老鄧牛肉麵,食完野真係停左雨喎,梗係落去沙灘行下啦!雖然D海水仲係好啡,但遠望都OK既,之後響車站等唔知仲有冇既街車(後來發現係冇哂藍線車),等了又等,1個多小時過去了,近七點果陣好似有架車「飛」過(可能係綠線車),不過截唔到/唔停俾我地,最後唯有行路返去啦,D路又濕又多草,超唔好行囉,行左四個字終於返到荷園,唉~

 

 

冷泉篇
七點半返到荷園,把從便利店買回來的便當放好,夜D先食,看看電視;接待處姐姐話冷泉八點至十點開水,我地就等八點落去玩,外面都幾凍,池水又凍,但係都幾好玩,離房間又近;九點幾,肚子有點餓,就到接待處叮野食,食完又去玩下搖搖鞦韆,好舒服既一晚!

今日食左乜 響邊度食 幾錢呢 好唔好食架
雞塊 海生館 NT$50 好似麥樂雞咁囉
熊仔造型可樂 海生館 NT$100 都係咁既味囉
香酥雞排 南灣7-11 NT$40 幾好味丫
老鄧牛肉米 南灣 NT$120 米粉好幼,牛肉入味
芒果汁1罐 南灣 NT$20 香港飲過,幾好飲的
便當+統一果汁 南灣7-11 NT$67 便當麻麻,果汁好飲

第四天旅程回顧


早餐篇
早餐八時送到,叫「普羅旺斯田園早餐」,我把唔食既芝士、蕃茄、青瓜都挑了出來(得番齋雞扒咋),坐在門外的小露台吃,非常舒服,而且天氣很好,有太陽吔!但係冇幾耐之後,當我地離開荷園時又橫風橫雨了,坐在車站等呀等,等左大半個鐘呀!

  

  


伍豐篇
十點鐘,終於上左街車,先去伍豐旅館放低行李,老闆娘叫我們等一陣,就可以上房,又等左近半個小時;入到房間,比想像中優質啊!很寬闊(可以開一枱麻雀咁大),亦都幾乾淨,我們休息一會就出發去海生館了!
 
海生館篇
大概十二點左右,再次來到海生館,超抵既HSBC優惠,正!國立海洋生物博物館果然不同凡響,有很多海洋生物是香港海洋公園都沒有的,例如企鵝(好多隻)、白鯨、鯨鯊等,加上海生館向海,首次見到藍藍的海,雖然也不是非常藍,但已經很好了;天氣時雨時晴,落雨時我地就躲在室內看生物、看紀念品;點半食飯,響裏面一間叫「華饌」的餐廳用膳,我地兩個叫左不同既蛋包飯,好美味哦!此行我地買了不少海洋生物原子筆,送禮自用都好好啊!另外買左一條沙灘褲(買貴左添),約四點半左右離開,首次在這裏遇見一家四口的香港同胞。

 

貓鼻頭篇
又遇上好心既街車司機叔叔,他說我們可以到貓鼻頭看看,因為比較多車,不像白沙般有車去冇車返;約五點左右,我地就到左貓鼻頭,趁沒有下雨趕快上去遊覽和拍照,好美的風景啊!比海生館那邊的海還要藍,可能是遠觀的關係吧!上到觀景台,果陣仲望到對面既大尖山、南灣等地方既,但冇幾耐又落雨了,仲要係好大好大果隻,我地好狼狽咁跑返落去遊客中心,等街車返去;等到五點九終於有車啦,由於沒有車直接返墾丁,我地就到恆春轉車,途中經過後壁湖碼頭、龍鑾潭等,六點幾就返到伍豐休息。

 

晚餐篇
響伍豐休息一會後,七時多我地就出去吃晚餐,先走一圈看看有甚麼好東西吃,最後揀左白沙灣泰式料理,因為有折價券(9折),我地點左「月亮蝦餅」、「雲拌椒麻雞」、「泰式炒河粉」同埋「蝦醬通菜」,樣樣都好好味啊!9折左之後NT$738,比香港便宜少少,但好好味,值得推介!

墾丁街篇
食完飯就梗係行街街啦,呢度似乎比六合夜市熱鬧,可能旅遊區吧,賣的東西也不是很便宜,而且跟九份的紀念品好像差不多,我買左早上睇中的那雙涼鞋(爬山鞋咁樣的)、去棋盤腳買左幾件別緻既T恤(因為佢地係自家設計的,較特別),在街口的便利店買左好多玩具仔(keroro),大出血呢!值得一提既係我地響棋盤腳買T恤果陣,第二次遇到香港同胞,在異鄉聽到熟悉既語言,真開心!

今日食左乜 響邊度食 幾錢呢 好唔好食架

脆皮雞腿蛋包飯

鳳梨蝦球蛋包飯

海生館-華饌 NT$178 昨天在電視節目看到靚仔煮蛋包飯,原來是這樣子的,內裏是蕃茄味炒飯,蛋很香,雞腿也很脆,既豐富又美味的一頓午餐;予琪那份我沒有試過,但應該也很好吃呢!

泰式炒河粉

墾丁街-白沙灘泰式料理 合計共NT$738(9折後) 炒得很香,雖然跟香港的差不多,但調味料很足夠,唔錯!

雲拌椒麻雞

雞炸得幾脆,酸酸甜甜既汁,很可口!

月亮蝦餅

呢個我最鐘意,炸得脆之餘不覺油膩,薄薄的一層蝦肉,很爽口,果然係招牌菜!
蝦醬炒空心菜 通菜切成一小段,好入味,平常菜也好吃



刊登日期: 2006-09-24

相關文章
再遇南台灣(八) - 11-04 05:20 pm - 按這裡: 7059
再遇南台灣(七) - 11-04 04:42 pm - 按這裡: 6796
再遇南台灣(六) - 10-07 08:44 pm - 按這裡: 6428
再遇南台灣(五) - 09-26 03:02 pm - 按這裡: 6991
再遇南台灣(四) - 09-21 10:11 pm - 按這裡: 7035
再遇南台灣(三) - 09-21 09:33 pm - 按這裡: 6910
再遇南台灣(二) - 09-15 09:59 pm - 按這裡: 7242
再遇南台灣(一) - 09-13 09:31 pm - 按這裡: 8065
南台灣之旅(五) - 10-08 02:56 pm - 按這裡: 7801
南台灣之旅(三) - 09-17 03:48 pm - 按這裡: 9578


責任編輯: alan

Hi3B民宿社區
Copyright © 2006 台灣旅遊 All rights reserved.
Website Hosted by WIS 匯智實體主機代管
Powered by: phpArticle Ver. 2.0.1