我的控制台 會員登入 免費註冊 最後更新 搜尋 返回首頁 登出
| 台灣旅遊討論區 | 加入台灣Talker Facebook 粉絲 | 交換連結 | 刊登廣告 |
台灣旅遊討論區
關於台灣Talker
旅遊輔助資訊
遊玩
飲食
購物
住宿
交通
遊記
另類台灣資訊
版權申告




首頁 / 遊記 / 南台灣之旅(五)

南台灣之旅(五)



編輯人員: Tracy
文章來源:
點選統計: 7679


加入收藏  Email 給朋友  列印此文章

  


南台灣之旅(五)

第五天旅程回顧


早餐篇
九時半左右,我地出發到附近(都頗遠)既麥記取早餐,早餐包括豬肉滿福堡和凍紅茶,雖然在香港我是不吃豬柳漢堡的,但冇得轉之下唯有「硬食」,凍紅茶的味道原來跟雀檸差不多,挺好喝的;食完早餐就到對面等街車囉!

船帆石篇
大概十點三左右,上左往船帆石的街車,天氣雖然唔係咁好,但看看那塊石頭也好,拍拍照,看看黑白天空,看看大大的浪;坐在車站等車時,又下起超級大雨來,等了很久都沒有車,真沒趣!

 

 

 

鵝鸞鼻篇
等到十一點半,終於有車來了!遇上一個「口水」司機,他知道我們是香港人,就介紹起景點來,原本我地打算去砂島先的,但他說完「太平洋」、「台灣海峽」同「巴士海峽」之後,就過左砂島了,所以我地就去左鵝鸞鼻參觀;鵝鸞鼻係墾丁國家公園其中一個要收費既景點,我地等細雨一點才上山看燈塔,雖然是平日,遊人也不少啊,趕快多拍幾張照片,就入內參觀,裏面介紹左好多呢個燈塔既威水史呢;睇完燈塔,正要到步道走走,又遇上大雨,於是我地入左隔籬既「鵝鸞鼻特產店」,認住呢間店呀,因為那位聲稱「不賣假貨、不受講價、定價公道」既老闆娘,原來賣貴野的*!其間有一批內地遊客,有位是識廣東話既台灣人,係響廣州教書既大學教授,仲有一位香港女士,跟我們談起來,他跟老闆娘用台南談了很久啊!待停雨後,我地就打算到海濱棧道走走,誰知道棧道被颱風破壞了,不能從這邊走,我地就到入口那邊的步道,想到「擎天石」或「滄海亭」看看,但係見到路口有個「林中有蛇及毒昆蟲」的牌子嚇怕了,加上落雨的關係,戰戰兢兢找了一會,既然找不到滄海亭,我地唯有折返啦,離開鵝鸞鼻時已經一時多了,肚子很餓呢!

搵笨事件簿:
那位老闆娘的名句係「我們的國家不賣假貨的。」,仲話她們不會像大陸般開貴個價等講價,貨真假實,我們不虞有詐,就買下了六套用瓶仔裝既耳環連項鏈(5套係我既),NT$200@,簽左NT$1200咭數(因為信用咭匯率高D),但我地到出口那邊的攤檔看紀念品時,又看到這些耳環項鏈套裝,款式比山上還多,而且…只賣NT$100啦!真激氣,又買貴了,唉~諗諗下,下次買野真係要揀有競爭既地方買,仲要先格價呢!小心小心

 

午餐篇
大概一點半,坐紅線街車返到墾丁大街食飯,我地去左「貴族世家牛排」,味道也不錯,價錢跟扒王之王差不多,還有沙津吧,生果、甜品、雪糕、沙津、麵包等任食,當然我們吃不下那麼多啦,食完飯我地就先返旅館休息一下。

街車篇II
原本想坐街車多去一個景點的,但看錯了時間表,誤了車,於是又坐上任何一架街車去「遊車河」,又遇上了那位好健談的司機,跟他談了很多話啊,知道本地人的收入、近期天氣、景點資訊等等,我們又坐了一圈既車(大概要1個小時),坐到近五時才在恆春下車呢!我地去左春城取兩天前訂的貼紙,又賣左幾本書,就回到轉運站等往四重溪既綠線車勒!響呢度第三次遇上香港人,係一對小情侶黎既,佢地響度等左成個鐘車呀,加上佢地只係黎住一晚,好像住「山卡啦」既墾丁賓館,真係慘慘~

 
四重溪篇
原訂既行程是不打算到四重溪溫泉的,因為怕交通不方便,但連日既大雨,夜晚又實在沒有甚麼地方可去,看看時間表,往四重溪的車都在下午至晚上,所以就決定到四重溪泡泡溫泉;這天已是第五天,天氣又不太熱,都係時候享受一下暖暖既溫泉;原本我地打算去貴貴地既南台灣溫泉大飯店,但司機叔叔話比較貴,建議我們去戀戀茴香,但係呢…原來戀戀茴香要行到好入架,人地個個都係開車進去的,我地走到一半就折返了;最後我地揀左清泉溫泉渡假山莊,NT$200一位,都OK啦!裏面既設施就比關子嶺統茂簡陋,也沒有提供浴帽,我地要另外購買泳帽呢!裏面大概有五個池,有兩個唔係好熱既「溫」泉,有一個很熱的「熱」泉,一個適中的溫泉,加一個涼透心既冷泉,都唔錯丫!就響呢度,我地又引來好多奇怪既眼光,因為南台灣始終都不是一個香港人經常出沒既地方,所以經常有人問我地從哪裏來,在泡溫泉既同時,我們跟幾個台灣人聊起來,談了很多話啊,認識了一個很重要既朋友,好好的一個女孩,跟我還是同年的呢!在滿州國中當音樂老師,我們跟她簡直是超級投契,我諗呢D就叫做「一見如故」勒,後來她開車載我們到恆春吃有名既鴨肉冬粉,互相交換了電話和e貓,她叫我們明天找她玩呢,真係超級開心!值得一提係原來十點半經恆春返墾丁那班車,不知怎地沒有了,我地得乘客運返墾丁,好彩我地先落左恆春咋,唔係響四重溪冇車都唔知點算好,超好彩呀!十一點左右返到墾丁大街,條街仲係好熱鬧,我地又買左好多野食返旅館,正!

今日食左乜 響邊度食 幾錢呢 好唔好食架
墾丁街-貴族世家牛排 NT$270 牛排味道OK,烏冬也適中,隻蛋幾好喎,冇「黐底」,唔錯唔錯!
鴨肉冬粉 恆春 NT$35 如果沒有芫茜的話,我諗會幾好食的…

第六天旅程回顧


烏龍篇
由於我地兩個都忘了調較鬧鐘,所以…睡過頭啦!早餐都冇得食,十點九先醒呢,起來趕忙收恰行李,要出發到石牛溪放下行李再出去,我們等待11:34的車,11:40他來了,但他不停!!!激死,唯有先到隔籬間鋪吃碗排骨麵當早餐,吃完剛好趕上下班車,又係大車,千辛萬苦把行李搬上去,坐兩個站,又下車,嗚~
十二點半到石牛溪農場門口,由門口行到遊客中心,落住雨又拖住重重既行李,都咪話唔辛苦;到了遊客中心,登記好又放低行李,就借電話打俾朋友仔,她說要先問媽媽和弟弟去不去玩,叫我們一點再打電話給她,於是我們就打算先去砂島,容後再致電給她。十二點九,在石牛溪對面等車,又遇上「不停車」的司機,超級慘呀!由石牛溪走路回墾丁街那邊,經過令人嚮往既夏都沙灘酒店(因為有私人沙灘),對面原來有好多墳墓架,超恐怖(後來聽朋友仔的朋友說,夏都那塊地之前也是墓地來的,還沒起清底就起酒店了,我們以後也不嚮往住夏都了),走了差不多半小時,到KFC隔離既租車店借電話,老闆娘好好人啊,還幫我們撥號碼,朋友仔話黎KFC接我們呢,還多帶了兩個朋友一起玩。

由下午二時起,開始了精彩的一天:


第一站:砂島
看看聞名已久既貝殼沙,原來砂島沙灘有一部分是可以下去玩的,美美的那部分被列為保護區,旁邊有砂島貝殼展示館,裏面有觸摸區可以摸摸貝殼沙,也有放大鏡供遊客看看;我們先在海邊看大浪,浪真的很大啊,朋友仔說平時是可以走到珊瑚礁外面的呢,那這幾天真的下了很多雨啊!拍了很多照片,就走到展示館看看,大概三點鐘就出發去下一個地方了!

 

 

第二站:小灣
本來都不打算去看的,但離開砂島時經過船帆石,又提起青蛙石,反正順路,就到小灣看看青蛙石了,小灣真的很小啊,在凱撒飯店對面,看了一會兒大浪就離開了。

 

 

第三站:白沙海灘
大約三點半到達白沙,如果靠我地自己來,可能來不了,因為就算紅線街車都不是每一架都經呢!這兒的沙灘很美啊!可能比較少人來吧,浪也是非常大,我們玩水玩到條褲濕透了,早知道穿沙灘褲啦,本來沒有打算玩水的,這幾天看的沙灘,要算這個最美了,雖然落雨,海水還是藍藍的,不像南灣、小灣、船帆石那邊,都是啡啡的,響呢度玩得好開心呢!

 

 

 

第四站:恆春古城
四時左右我地就順道去一去恆春東城門,這裏保留了全台灣最完整的城牆,城牆不高,比香港圍村的牆還矮,我們在這裏逗留了一會,就出發到小墾丁,看朋友仔的學生表演騎馬。

 

 

 


第五站:出火
離開恆春到滿州的路上,我們經過出火特別景觀區,就下車走一會,出火其實係一個冒天然氣既地方,用火機一點就會著火,所以叫「出火」,晚上看會更美呢!天然氣冒在水上,好像把水煮滾了一樣,我開頭以為那些水是熱的呢,觸摸之下,原來只是冷水,逗留了十分鐘左右,就離開了。

 

 

第六站:小墾丁牛仔渡假村
由於朋友仔以前的學生在這裏的馬場工作,適逢有表演,我們就來了滿州這邊,一般遊客如果沒有車,很少可以來這邊玩的,我地真係超好彩,識到呢個好朋友,我們還可以試試騎在馬上的滋味呢!之後我地去左朋友仔任教既學校—滿州國中看看,地方很大,但原來只有七班,真的很少人啊!相比香港,一個級別已經有這間學校那麼多人了。

 

 

 

第七站:港口吊橋
我們來這邊是吃晚餐的,順道走一走吊橋(其實特登的),雖然天色已晚,但走走吊橋也很好玩啊,而且不用付過橋費(白天收10元),食左碗湯米粉,原來牛肉「麵」先有牛肉,米粉是沒有的,怪不得那麼便宜。

感想篇
今天去左好多地方啊,如果我地自己去的話,一天只能去兩、三個景點,但這天我地足足跑了七個地方吔!開車真係超方便,尤其對於公共交通癱瘓既南台灣,簡直係超級重要!朋友仔要跟她媽媽、弟弟要先回屏東北部既老家,就托她的朋友送我們回石牛溪,原來這裏的公路晚上是沒有燈的,開車要小心囉!返到石牛溪,接待處小姐好好人,用機車幫我們送行李到房間;房間好美喔!明天再看看外面的環境吧!

今日食左乜 響邊度食 幾錢呢 好唔好食架
排骨麵 墾丁街 NT$60 OK啦,唔算好又唔算差囉!
開心樂園餐 麥當勞 NT$89 匆匆到麥記買的,味道跟香港的差不多,主要係想換隻公仔…:P
湯米粉 港口 NT$35 普通啦


第七天旅程回顧


早餐篇
未夠七點半已經有早餐食啦,有牛奶啦、雞蛋啦、三文治啦、仲有蘋果呀!三文治的餡料還是我喜歡的肉鬆、蛋同火腿哦,我地先放下早餐,去左遊客中心那邊的羊咩咩區先

 

 

 

羊咩咩篇
原定七點半既羊咩咩餵食活動,我地遲左十分鐘到,但去到根本一個人都冇,連羊影都冇隻,牠們都躲在屋子裏呢!等了一會,有三父子黎左,佢地用一堆草引D羊咩咩出來,佢地真係出來吔!
我地都開始左一連串餵羊活動,超好玩吔!還拍左好多好多照片呢!

 

 
 
石牛溪篇
這天的天氣超好呀,藍天白雲,綠草如茵,農場有一大片草原,D雞雞、火雞四處走,木屋又好靚,真係好鬼正呀!我地看到這超好的天氣(最好的一天),便狂拍風景照,留住最美的一刻,好唔捨得石牛溪,好唔捨得南台灣哦,希望可以快D再黎玩啦!

  

         

     

回程篇
大概十時半,我地拖着行李離開石牛溪,離開墾丁,最最最唔開心既係臨上車時掉了心愛既手鏈錶,嗚嗚~
未夠一點,我地就到左小港機場,真係超快呀,兩個鐘都唔駛,我立即打電話給牛牛同朋友仔,朋友仔叫我打電話到石牛溪,請他們幫我找找手錶,可惜…音訊全無呀!打完電話就到港龍的counter check-in,唉…果然受香港颱風影響,原定三點零五分既班機,要延誤至晚上六點半呀!真慘…
本來想到市區玩玩的(因為上次去旗津未去燈塔同炮台),但又怕星期六會塞車,不敢出去,就在這個小小的機場消磨時間囉;我地先到鄧師傅餐飲吃午餐,又到新東陽買吃的、看的,大概四時入左禁區了。估唔到我地足足多等四個多小時才能上飛機呢!最後,我地差唔多十點到達香港國際機場,結束七天南台灣之旅!



刊登日期: 2006-10-08

相關文章
再遇南台灣(八) - 11-04 05:20 pm - 按這裡: 6973
再遇南台灣(七) - 11-04 04:42 pm - 按這裡: 6718
再遇南台灣(六) - 10-07 08:44 pm - 按這裡: 6358
再遇南台灣(五) - 09-26 03:02 pm - 按這裡: 6902
再遇南台灣(四) - 09-21 10:11 pm - 按這裡: 6959
再遇南台灣(三) - 09-21 09:33 pm - 按這裡: 6837
再遇南台灣(二) - 09-15 09:59 pm - 按這裡: 7157
再遇南台灣(一) - 09-13 09:31 pm - 按這裡: 7990
南台灣之旅(四) - 09-24 05:16 pm - 按這裡: 7174
南台灣之旅(三) - 09-17 03:48 pm - 按這裡: 9454


責任編輯: alan

Hi3B民宿社區
Copyright © 2006 台灣旅遊 All rights reserved.
Website Hosted by WIS 匯智實體主機代管
Powered by: phpArticle Ver. 2.0.1